На дачы ў Віцебскай вобласці дзяўчынка сустрэла мядзведзя

Бацьку дзіцяці ўдалося прагнаць жывёлу.

У вёсцы Галінава Віцебскай вобласці дзяўчынка Маша з сям'і Боршчавых сустрэла мядзведзя. Бацьку дзіцяці ўдалося прагнаць жывёлу, паведамляе тэлеканал ОНТ.

Маша ўбачыла мядзведзя падчас гульні ў двары, той адпачываў сярод дрэў. Дзяўчынка адразу паклікала бацьку. «Пры сустрэчы з мядзведзем, вядома, адчуў вялікі шок. Але ў той момант я толькі ўспомніў, што яны баяцца гучных гукаў, пачаў пляскаць у далоні», – распавёў Дзмітрый Боршчаў.

Такі спосаб дапамог, звер пайшоў прэч. Пазней мядзведзя заўважылі ў полі каля дома Боршчавых. Як высветлілася, ён пачаў прыходзіць у вёску Галінава яшчэ каля пяці гадоў таму.