Цэны на нафту б'юць усе рэкорды

• 15.10.2007, 15:10

Ф'ючэрсы на нафту гатунку Brent і на амерыканскую лёгкую нафту выраслі ў панядзелак да новых рэкордных значэнняў на фоне пагаршэння стасункаў паміж Турэччынай і Іракам.

У панядзелак лістападаўскія ф'ючэрсы на нафту гатунку Brent падаражэлі больш як на даляр, дасягаючы падчас гандлю рэкорду ў 81,93 даляры за барэль.

Аналітыкі тлумачаць рост цэнаў бояззю ў дачыненні магчымага нападу ўзброеных сілаў Турэччыны на поўнач Ірака з мэтай падаўлення курдскіх паўстанцаў. "Забег да $90 выглядае цалкам верагодным", – гаворыцца ў аналітычнай занатоўцы Citigroup.