Беларусі давялося пагадзіцца на высокую цану

• 17.10.2007, 10:06

Беларусь пагадзілася купляць электраэнергію ва Украіны па больш высокім цэнам. Учора міністр энергетыкі рэспублікі Аляксандр Азярэц паведаміў, што ў 2008 годзе Беларусь плануе імпартаваць з Украіны 2 млрд кВт•ч электраэнергіі па цане звыш як $0,05/кВт•ч. Эксперты лічаць, што Мінпалэнерга, якое дагэтуль заяўляла пра адсутнасць свабодных аб'ёмаў электраэнергіі, знойдзе іх за кошт загрузкі цеплавых электрастанцый.

Вытворчасць электраэнергіі ў аб'яднанай энергасістэме Украіны складае 181,3 млн МВт•ч на суму $5 млрд. Доля АЭС у агульным аб'ёме яе вытворчасці – 48%, ТЭС – 40,4%, ГЭС – 6,5%, камунальных ЦЭЦ і блок-станцый – 5,1%. Штогод з Украіны экспартуецца 10,5 млн МВт•ч.

У аўторак на пасяджэнні прэзідыума Савета міністраў Беларусі міністр энергетыкі Аляксандр Азярэц паведаміў, што ў 2008 годзе краіна мае намер імпартаваць 7 млрд кВт•ч электраэнергіі. "5 млрд кВт•ч электраэнергіі мы плануем імпартаваць з Расеі, 2 млрд кВт•ч – з Украіны",– сказаў міністр. Паводле яго слоў, цана на расейскую электраэнергію будзе вышэй за $0,04/кВт•ч, на ўкраінскую – больш за $0,05/кВт•ч.

Украіна спыніла экспарт электраэнергіі ў Беларусь і Расею ў II паўгоддзі гэтага года. Тады намеснік міністра паліва і энергетыкі Аляксей Шэберстаў заявіў, што прычынай адмовы стала адсутнасць свабодных аб'ёмаў, звязаная з пастаянным ростам спажывання электраэнергіі ўнутры краін. Зрэшты, на думку сябра камітэта па ТЭК Вярхоўнай рады V склікання Уладзіміра Броннікава, асноўнай прычынай адмовы стала нізкая цана. У I паўгоддзі цана ўкраінскай электраэнергіі для Беларусі складала $0,0244-0,0245/кВт•ч, у той час як еўрапейскія спажыўцы гатовыя былі плаціць за яе 0,07-0,08 еўра/кВт•ч. Пасля таго як Украіна адмовілася пастаўляць Беларусі электраэнергію па доўгатэрміновых кантрактах, апошняя была змушаная купляць яе на аптовым рынку па цане $0,05/кВт•ч.

У Міністэрстве паліва і энергетыкі «Коммерсанту» ўчора распавялі, што беларускі бок пакуль да Украіны не звяртаўся. "Калі звернуцца, мы разгледзім іх прапановы", – сказаў спадар Шэберстаў. А прэзідэнт манапольнага пастаўшчыка электраэнергіі за мяжу кампаніі "Укринтерэнерго" Ігар Пашкевіч паведаміў Ъ, што дадатковыя аб'ёмы можна будзе знайсці, і адзначыў, што "ўсё будзе залежаць ад закупной цаны".

Паводле заўвагі старшыні наглядальнага савета дзяржпрадпрыемства "Аптовы рынак электраэнергіі" Юрыя Бачкарова, ва Украіне – лішак энергамагутнасцяў. "Сёння ТЭС загружаныя ўсяго на 37%, таму дадатковыя аб'ёмы ёсць", – сцвярджае ён. Нагадаем, з 2004 года прастойваюць магутнасці газамазутных блокаў: тры па 800 Мвт – на Углегорскай, тры па 800 Мвт – на Запарожскай і два па 300 Мвт – на Трыпальскай ТЭС. "Цяпер вытворчасць электраэнергіі на гэтых блоках нерэнтабельная, але пры цане 5 цэнтаў становіцца выгоднай", – гаворыць спадар Броннікаў.