У Беларусь едзе прэм'ер-міністр Кітая

• 26.10.2007, 16:17

Прэм'ер-міністр Кітая Вэнь Цзябао наведае з візітам Менск 5 лістапада, паведаміў падчас сустрэчы з прэм'ер-міністрам Беларусі Сяргеем Сідорскім намеснік міністра камерцыі КНР Юй Гуанчжоу, які ўзначальвае кітайскую дэлегацыю на пасяджэнні Міжурадавай беларуска-кітайскай камісіі.

"Гэта будзе першы візіт кітайскага прэм'ера за апошнія 12 гадоў у Беларусь", – адзначыў Юй Гуанчжоу, выказаўшы ўпэўненасць, што дадзены візіт будзе спрыяць практычнаму пасоўванню супрацоўніцтва ў розных сферах.

С.Сідорскі з свайго боку паведаміў, што да дадзенага візіту ў Беларусі рыхтуецца шэраг дакументаў для падпісання.