Беларусь зноў у чорных спісах «Рэпарцёраў без межаў»

• 29.11.2007, 13:34

Міжнародная арганізацыя «Рэпарцёры без межаў» апублікавала спіс з 20 краін, якія праславіліся за апошні год ціскам на журналістаў. У гэты спіс увайшлі Беларусь, а таксама Туркменістан, Узбекістан, В'етнам, Кітай, М'янма і Паўночная Карэя, 5 афрыканскіх дзяржаў, Сірыя, Ірак, Іран, Палесціна і Куба.

Прынамсі 64 чалавекі ў свеце на сёння застаюцца ў турэмным зняволенні ў сувязі з публікацыяй сваіх матэрыялаў у інтэрнэце. Па гэтым паказчыку лідзіруе Кітай. Тут утрымліваюцца за кратамі ў агульнай складанасці каля 50 такіх зняволеных. Восем чалавек знаходзяцца пад вартай у В'етнаме. У 2007 годзе ў Егіпце быў прысуджаны да чатырох гадоў пазбаўлення свабоды малады чалавек, які апублікаваў у Інтэрнэце свае запісы, якія крытыкуюць прэзідэнта.

Нагадаем, беларускі палітвязень Андрэй Клімаў быў прысуджаны 1 жніўня 2007 года да 2 гадоў турмы за артыкул у Інтэрнэце і цяпер адбывае пакаранне ў Мазырскай калоніі строгага рэжыму. "Міжнародная Амністыя" прызнала Андрэя Клімава Вязнем сумлення.