Зміцер Дашчынскі перамог на этапе Кубка свету

• 22.12.2007, 16:06

На этапе Кубка свету па фрыстайле, які завяршыўся сёння ў кітайскім Ліанхуа-Маунтай, беларус Зміцер Дашчынскі з вынікам 247.23 заняў 1-е месца.

Другі наш суайчыннік Антон Кушнір размясціўся на 4-й пазіцыі – 229.96.

У жаночых спаборніцтвах беларуска Ала Цупер заняла 8-е месца – 169.31, а роўных не было Джэкі Купер з Аўстраліі – 204.28, паведамляе "Прессбол".