У мапу Беларусі ўключылі Беласток (Фота)

• 17.10.2008, 17:17

У тэрыторыю Беларусі, мапа якой намаляваная на дзяржаўным гербе краіны, уключылі Беласточчыну. Такі герб можна пабачыць на апошняй станцыі перад мяжой з Літвой — Гудагай.

Ані супрацоўнікі станцыі Гудагай, дзе знаходзіцца “патрыятычны” герб, ані чыгуначнае начальства нічога не ведаюць пра яго з’яўленне, паведамляе “Еўрарадыё” са спасылкай на блогера aliaksei

Журналісты паспрабавалі даведацца, адкуль з’явіўся такі “патрыятычны” герб. Аднак ані на самой станцыі, ані на маладзечанскай дыстанцыі пуці, якой належыць станцыя, ніхто нічога пра гэта не ведае. Больш за тое, ніхто нават увагі не звяртаў на тое, што ў гербе памылка.