Фондавыя рынкі Еўропы адкрыліся падзеннем на 5-6%

• 24.10.2008, 12:03

Фондавыя рынкі Еўропы неўзабаве пасля адкрыцця гандлю ў пятніцу, 24 кастрычніка, прадэманстравалі рэзкае паніжэнне на фоне інфармацыі аб падзенні вядучых азіяцкіх індэксаў, паведамляе агенцтва Франс Прэс.

Неўзабаве пасля адкрыцця гандлю брытанскі індэкс FTSE 100 упаў больш чым на 5%, дасягнуўшы двухгадовага мінімуму.

Германскі DAX у пятніцу панізіўся больш чым на 6%.

Французскі індэкс CAC у першыя хвіліны гандлю знізіўся больш чым на 5%.

Курс адзінай еўрапейскай валюты пры адкрыцці гандлю ў Еўропе ўпершыню за два гады апусціўся ніжэй за адзнаку ў 1,27 даляра.

Аналітыкі тлумачаць рэзкае падзенне еўрапейскіх ііндэксаў тым, што японскі біржавы індэкс Nikkei пры закрыцці гандлю ў пятніцу, 24 кастрычніка, упаў на 9,6% у сувязі з асцярогамі падзення прыбыткаў японскіх кампаній.

Індэкс Nikkei, які адлюстроўвае катыроўкі акцый 225 вядучых кампаній Японіі, знізіўся па выніках гандлю на 811,90 (9,6%) пункта - да адзнакі 7649,08 пункта.

Па дадзеных агенцтва, гэта самы нізкі паказчык з 28 красавіка 2003 года. З 1 кастрычніка індэкс Nikkei страціў 32,08%.

Рэзкае падзенне катыровак аналітыкі звязваюць з асцярогамі падзення прыбыткаў японскіх кампаній, што пагоршыліся папярэджаннем аб скарачэнні прыбыткаў канцэрна-гіганта Sony.

Як паведаміў на прэс-канферэнцыі ў Токіо прадстаўнік Sony Набуюкі Онэда (Nobuyuki Oneda), прыбыткі карпарацыі ў бягучым фінансавым годзе (як скончваецца 31 сакавіка 2009 года) знізяцца, у параўнанні з мінулым, на 58%.