Вярхоўная Рада Украіны адправіла спікера ў адстаўку

• 12.11.2008, 12:55

Вярхоўная Радая Ўкраіны адклікала спікера Арсенія Яценюка з пасады, якую ён займаў, у адпаведнасці з пададзенай ім заявай.

За гэтае рашэнне прагаласавалі 233 народныя дэпутаты: Партыя рэгіёнаў - 175, БЮЦ - 1, НУ-НС - 10, КПУ - 27, Блок Ліцвіна - 20. Рашэнне прымалася шляхам адкрытага паіменнага галасавання пры дапамозе сістэмы Рада.

Праца сістэмы была адноўленая пасля паўгадзіннага перапынку, пра што паведаміў віцэ-спікер Аляксандр Лаўрыновіч. Перад галасаваннем па адстаўцы спікера, Рада прыняла пастанову «Аб вызначэнні віду і спосабу галасавання пры адкліканні і абранні старшыні Вярхоўнай Рады Украіны». За адпаведнае рашэнне прагаласаваў 231 дэпутат (ПР – 174, БЮЦ – 1, НУ-НС – 9, КПУ – 27, Блок Ліцвіна - 20), перадае «Корреспондент».

Гэтай пастановай Рада вызначыла, што рашэнне аб адкліканні старшыні ВР і абранні новага спікера прымаецца адкрытым паіменным галасаваннем на пленарным паседжанні.

Раней Рада адхіліла Яцэнюка ад вядзення пленарных паседжанняў на два дні. Учора таемнае галасаванне па адстаўцы спікера прызнанае несапраўдным.