У аўтакатастрофе пад Смаленскам загінулі беларусы

• 9.12.2008, 10:43

У Гагарынскім раёне Смаленскай вобласці перакуліўся турыстычны аўтобус, у якім знаходзіліся грамадзяне Беларусі. Два чалавекі загінулі.

Як паведамляе сайт Накануне.ru, інцыдэнт адбыўся на 179-м кіламетры трасы М-1 «Масква – Менск».

Аўтобус «Сетра», у якім было 15 пасажыраў, з'ехаў на абочыну і перакуліўся. Дзевяць чалавек, якія атрымалі траўмы, шпіталяваныя ў цэнтральную лякарню Гагарына. Усе яны з'яўляюцца грамадзянамі Беларусі. Праводзіцца расследаванне.