Чыж змяніў Мядзведзя на пасадзе кіраўніка Беларускай федэрацыі барацьбы

• 9.12.2008, 14:09

На справаздачна-выбарчай канферэнцыі Беларускай федэрацыі барацьбы ўладальнік кампаніі «Трайпл» Юры Чыж змяніў на пасадзе яе старшыню Аляксандра Мядзведзя.

Як паведамляе інтэрнэт-газета «Ежедневник», Мядзведзя даўно вінавацяць у адсутнасці папулярызацыі і развіцця барацьбы і ў нізкім узроўні беларускіх «вольнікаў».

Вядома, што Чыж раней займаўся барацьбой, пры яго удзеле ў зборную Беларусі сёлета быў запрошаны расейскі спецыяліст Генадзь Сапуноў. З прыходам новага старшыні федэрацыі чакаецца і фінансавая дапамога гэтаму віду спорта.

Па звестках Аляксандра Мядзведзя, які зараз знаходзіцца ў шпіталі, грэка-рымская і вольная барацьба могуць быць аб'яднаныя ў адну федэрацыю, інфармуе "Прэсбол".