Акцыі з заклікам вызваліць Казуліна будуць праходзіць кожны дзень

• 25.02.2008, 18:36

Ірына Казуліна не будзе пахаваная, пакуль з калоніі не будзе вызвалены яе муж Аляксандр Казулін. Акцыі з заклікам вызваліць палітвязня Аляксандра Казуліна будуць праходзіць штодня а 18 гадзіне на Кастрычніцкай плошчы ў Менску.

Пра гэта паведаміў 25 лютага падчас акцыі ў памяць аб Ірыне Казулінай, якая праходзіць на Кастрычніцкай плошчы ў Менску, былы адвакат палітвязня Аляксандра Казуліна Ігар Рынкевіч.

Паводле яго слоў, сям'я Казуліных кансультавалася па пытанні пахавання Ірыны Казулінай з Праваслаўнай і Каталіцкай Цэрквамі. Паводле хрысціянскай традыцыі, Ірына Казуліна можа быць пахаваная пазней, бо павінна быць выкананая яе воля – каб у апошні шлях яе праводзіў муж Аляксандр Казулін.