Незалежных журналістаў затрымалі за «пазапраўную» здымку

• 10.03.2008, 15:56

Група незалежных карэспандэнтаў прабыла ў міліцэйскім участку пяць гадзін. Акрамя палкоўніка, гутарку з імі правялі ідэолагі аблвыканкама.

Карэспандэнты працавалі над тэмай – дзейнасць мусульманскай суполкі ў Берасце. Праз дзесяць хвілін пасля пачатку здымак, якія праходзілі за жылым домам па вуліцы Герояў Абароны, з'явіліся два прадстаўніка ўпраўлення ўнутраных спраў. Свой візіт у гэтае далёкае ад горада месца яны матывавалі званком жыхароў дому № 74. Маўляў, тыя турбуюцца, што каля дома праходзяць несанкцыянаваныя здымкі з чачэнцамі, паведамляе Bulletinonline.

У РАУС Ленінскага раёна спасылаліся на адсутнасць акрэдытацыі ў карэспандэнтаў. Таму слухаць не сталі, што аператар – індывідуальны прадпрымальнік, і мае права здзяйсняць відэадзейнасць на законных падставах. Не ўказ міліцыі Канстытуцыя і Закон аб друку, якія гарантуюць права на атрыманне, захаванне і распаўсюджванне поўнай, дакладнай і своечасовай інфармацыі аб дзейнасці дзяржаўных органаў, грамадскіх аб'яднанняў, аб палітычным, эканамічным, культурнага і міжнароднага жыцця. І, відавочна, паняцце free lance ім не знаёмае.

– Гэта абсурдная сітуацыя, – растлумачыў праваабаронца Уладзімір Вялічкін. – Абсалютна неправамерныя дзеянні супрацоўнікаў міліцыі, пачынаючы ад затрымання да пяці(!) гадзін і канчаючы складаннем пратаколу. Чарговая недарэчная магчымасць "вывудзіць" у затрыманых кампраметуючую інфармацыю.

Таксама рэпарцёраў чакала сустрэча з прадстаўнікамі некалькіх аддзелаў аблвыканкама: рэлігій і нацыянальнасцяў, аддзел па друку і СМІ і ідэалагічнага аддзела. Службоўцы каля гадзіны цікавіліся, для каго і з якой мэтай здымаўся матэрыял. Дарэчы, адваката Рамана Кісляка на сустрэчу не пусцілі, сказаўшы, што да суду не дазволеная яго прысутнасць.

У дачыненні аператара складзены пратакол аб адмове ў дачы тлумачэння па сітуацыі і канфіскаваныя дзве касеты mini DV.