Намеснік кіраўніка адміністрацыі прэзідэнта: «Мы заходзім у тупік»

• 11.03.2008, 12:09

«Мы заходзім у тупік», – канстатаваў намеснік кіраўніка адміністрацыі прэзідэнта Аляксандр Папкоў.

У Беларусі сёння вырабляецца 70% стратнай сельскагаспадарчай прадукцыі, заявіў на пасяджэнні прэзідыума савета міністраў у Менску пры разглядзе праграмы адраджэння і развіцця сяла Аляксандр Папкоў.

"Мы сёння вырабляем 70% стратнай прадукцыі ў раслінаводстве і ў жывёлагадоўлі", – адзначыў А.Папкоў. Паводле прыведзеных ім дадзеных, толькі за 2007 год сельгаспрадпрыемства ўзялі Br1,3 трлн пад банкаўскія працэнты на выплату зарплаты.