У Маскве пікетавалі беларускую амбасаду (Фото, відэа)
- 25.03.2008, 11:55
Сёння, 25 сакавіка, ля амбасады Беларусі ў Маскве была праведзеная акцыя, прысвечаная Дню Волі – 90-годдзю абвяшчэння Беларускай Народнай Рэспублікі.
У 11.30 каардынатар руху «Абарона» Эдуард Глезин устаў з адзінкавым пікетам насупраць амбасады, трымаючы ў руках плакат «Дзень волі – на волю палітвязняў!» з фатаграфіямі Андрэя Кіма, Аляксандра Казуліна і Сяргею Парсюкевіча, а таксама лічбу «90», у гонар свята зробленую з стужак у бел-чырвона-белых колерах – гэта колеры нацыянальнага сцяга Беларусі, забароненага Аляксандрам Лукашэнкам і стаўшага сімвалам барацьбы за свабоду ў краіне. Паплечнікі Эдуарда, якія стаялі насупраць, падтрымлівалі яго.
Хоць па законе адзінкавы пікет не патрабуе ўзгаднення з уладамі, да Эдуарда практычна адразу падышоў лейтэнант міліцыі і спыніў акцыю, нягледзячы на законныя абгрунтаванні пікетчыкам сваіх правоў. Такім чынам, мірная і законная акцыя ў Маскве цягнулася ўсяго некалькі хвілін.
ФотаНовая газета