Лукашэнка ўнёс дадаткі ва ўказ аб ПУПах

• 16.04.2008, 9:16

Аляксандр Лукашэнка ўказам № 209 унёс дадаткі ў Палажэнне аб парадку стварэння індывідуальным прадпрымальнікам прыватнага ўнітарнага прадпрыемства і яго дзейнасці. Пра гэта паведаміла прэсавая служба кіраўніка дзяржавы.

Пры перадачы індывідуальным прадпрымальнікам стваральнаму ім прыватнаму ўнітарнаму прадпрыемству абсталявання, увезенага без выплаты мытаў, ПУП таксама вызваляецца ад выплаты мытаў і падаткаў.

Нягледзячы на тое, што ўмовай бязмытнага ўвозу з'яўлялася выкарыстанне гэтага абсталявання для ўласных патрэбаў і без права адчужэння ці перадачы іншым асобам, яго парушэнне не пацягне абавязковай выплаты прыватнымі унітарнымі прадпрыемствамі мытаў.