«Еўраньюз» пра сустрэчу Аляксандра Мілінкевіча з кіраўніком МЗС Францыі (Відэа)
- 7.05.2008, 10:02
Міністр замежных справаў Францыі Бэрнар Кушнэр заявіў, што будзе рабіць усё, каб палітыка Еўрапейскага звяза стала максімальна салідарнай з дэмакратычнымі сіламі Беларусі.
У гэтым кіраўнік МЗС Францыі запэўніў лідэра аргкамітэта па стварэнні руху "За Свабоду" Аляксандра Мілінкевіча і старшыню камітэта абароны рэпрэсаваных "Салідарнасць" Іну Кулей, якія наведалі Францыю, падчас сустрэчы з імі ў Парыжы ў афіцыйнай зале прыёмаў міністэрства.
Нагадаем, з ліпеня 2008 года Францыя будзе старшыняваць у Еўразвязе. Па словах Б.Кушнэра, яго краіна збіраецца шырока скарыстацца досведам новых дзяржаваў – сяброў ЕЗ па падтрымцы дэмакратызацыі Беларусі.
Пасля сустрэчы з міністрам замежных справаў Францыі інтэрв'ю ў Аляксандра Мілінкевіча ўзялі журналісты агульнаеўрапейскага тэлеканала "Еўраньюс".