ЧП у аэрапорце «Менск-2»

• 7.05.2008, 13:19

Электракар у Нацыянальным аэрапорце "Менск-2" пашкодзіў самалёт "Боінг-737" авіякампаніі "Белавія" пры пагрузцы багажу на рэйс Менск-Рым, паведамілі "Інтэрфаксу" у праваахоўных органах.

"Пры пагрузцы багажу электракар пабіўся аб борт самалёта і нанёс механічныя пашкоджанні - гарызантальную працяглую ўвагнутасць даўжынёй 70 см, шырынёй 10 см, глыбінёй 4 мм", паведамілі ў праваахоўных органах. Па словах суразмоўцаў агенцтва, "у момант інцыдэнту пасажыраў на борце самалёта не было, праводзілася пагрузка багажу".

"Рэйс быў адкладзены на 2 гадзіны, пасажыры выляцелі ў Рым на самалёце Ту-154", удакладнілі суразмоўцы агенцтва.

"У гэты час удакладняецца сума шкоды, вядзецца разгляд", паведамілі ў праваахоўных органах.