Перадыслакацыя

• 20.06.2008, 11:34

Аляксандр Лукашэнка падпісаў указ, паводле якога шэраг вайсковых частак змяняе месца дыслакацыі.

Так, шэсць вайсковых частак (вайсковае мястэчка №54) атрымалі новыя месцы прапіскі. Частка 28729 з Менска перабіраецца ў Жодзіна, частка 61678 - у "Печы" пад Барысавам, а часткі 65402, 35703 і 14860 - застаюцца ў Менску, але перыязджаюць у іншае вайсковае мястэчка, піша «Народная воля».

Пераносіцца таксама стрэльбішча вайсковай часткі 04147, пераязджае ў новае месца ўзорнапаказальны аркестр Узброеных сілаў.

Гэткая масавая перадыслакацыя вайскоўцаў звязана з будаўнічым бумам. Прычым, будаўніцтва жылых дамоў на месцы вайсковых частак будзе весці "кішэнная" фірма "Трайпл", гаспадар якой - вядомы бізнэсмэн Юры Чыж.