Мядведзеў яшчэ не вырашыў, ці сустракацца яму з Лукашэнкам

• 3.06.2008, 14:56

Прэзідэнт РФ Дзмітрый Мядведзеў правядзе 6-7 чэрвеня ў Пецярбурзе ў рамках нефармальнага саміту СНД цэлы шэраг двухбаковых сустрэч з лідэрамі краін Садружнасці.

Як паведаміў "Інтэрфаксу" памочнік прэзідэнта РФ Сяргей Прыходзька, запланаваныя сустрэчы Д.Мядведзева, у прыватнасці, з прэзідэнтам Украіны Віктарам Юшчанкай і прэзідэнтам Грузіі Міхаілам Саакашвілі.

Таксама вызначаныя гутаркі прэзідэнта РФ з прэзідэнтам Малдовы Ўладзімірам Вароніным, прэзідэнтам Туркменіі Гурбангулы Бердымухамедавым, прэзідэнтам Азербайджана Ільхам Аліеў, прэзідэнтам Узбекістана Ісламам Карымавым, прэзідэнтам Арменіі Сержам Саркісянам, прэзідэнтам Кіргізіі Бакіевым, прэзідэнтам Таджыкістана Эмамалі Рахмонам.

З прэзідэнтам Казахстана Нурсултанам Назарбаевым асобнай сустрэчы ў Пецярбурзе не плануецца, паколькі лідэры двух краін нядаўна правялі поўнамаштабныя перамовы падчас візіту Д.Мядведзева ў Астану.

Пытанне аб сустрэчы з Аляксандрам Лукашэнкай ў цяперашні час яшчэ прапрацоўваецца.

Кажучы аб мерапрыемствах Пецярбуржскага форума, у якіх прыме ўдзел прэзідэнт Расеі, С.Прыходзька адзначыў, што запланаваная, у прыватнасці, сустрэча кіраўніка дзяржавы з кіраўніцтвам буйных замежных кампаній, у тым ліку краін СНД. На гэтую сустрэчу запрошаныя больш за 100 буйных прадпрымальнікаў. Запланаваны таксама выступ Д.Мядведзева на пленарным паседжанні ў першы дзень працы Пецярбуржскага эканамічнага форума.