Памежнікі плануюць адмовіцца ад дата-штампаў

• 22.07.2008, 10:26

У пунктах пропуску на беларускай мяжы ў хуткім часе перастануць ставіць у пашпартах грамадзян Беларусі дата-штампы аб перасячэнні мяжы.

Аб гэтым сёння журналістам у Брэсце паведаміў старшыня Дзяржпамежкамітэта Беларусі Ігар Рачкоўскі.

"Паэтапная адмена дата-штампаў ужо ідзе: на асобных напрамках дата-штампы ўжо не ставяцца", - растлумачыў ён.

Па словах Ігара Рачкоўскага, выключыць дадзеную працэдуру цалкам памежная служба зможа па завяршэнні праекту кампутарызацыі працэсу памежнага кантролю ў пунктах пропуску, перадае БелТА.