Беларускі штангіст атрымаў траўму на Алімпіядзе ў Пекіне

• 11.08.2008, 11:07

24-гадовы беларускі цяжкаатлет Генадзь Махвееня (вагавая катэгорыя да 62 кг) траўмаваўся на Алімпіядзе ў Пекіне.

"Падчас выканання апошняй спробы спартовец атрымаў расцяжэнне ўнутраных цягліцаў левага сцягна. Цяпер ён ужо знаходзіцца ў Алімпійскай вёсцы", — паведамілі ў штабе беларускай дэлегацыі.

У групе "В" Г.Махвееня паказаў трэці вынік — 278 кг (128 кг у рыўку і 150 кг у штуршку). У другім відзе спартовец два разы беспаспяхова спрабаваў падняць штангу вагай у 156 кг, паведамляе БелаПАН.

Выніковае месца штангісты стане вядомым пасля выступу атлетаў, уваходных у групу "А".