Мушараф зыдзе ў адстаўку?

• 15.08.2008, 10:24

Прэзідэнт Пакістану Первез Мушараф падасць у адстаўку, каб не падвяргацца працэдуры імпічмэнту, ініцыяванай тыдзень таму парламентам. Аб гэтым паведамляе брытанскае выданне Financial Times з спасылкай на ўрадавыя крыніцы.

Высокапастаўлены ўрадавы службовец заявіў журналістам, што паміж Мушарафам і чальцамі кіравальнай кааліцыі складзена пагадненне, якое дазволіць прэзідэнту пазбегнуць імпічменту, пачатак якога запланаваны на панядзелак, і судовага пераследу.

"Прэзідэнт не падвергнецца ні імпічменту, ні судоваму пераследу па любых абвінавачваннях. Ён таксама паспрабуе застацца ў Пакістане", - прыводзіць газета ягоныя словы.

Мушараф прыйшоў да ўлады ў выніку бяскроўнага вайскоўца перавароту ў 1999 годзе. У 2002 годзе ў Пакістане адбыліся парламенцкія выбары, але Мушараф пакінуў за сабой пасты прэзідэнта, галоўнакамандвальніка і права адпраўляць у адстаўку ўрад і распускаць парламент.

У лістападзе мінулага году ён прыняў прэзідэнцкую прысягу на новы пяцігадовы тэрмін і стаў грамадзянскім прэзідэнтам Пакістану, зыдучы ў адстаўку з паста галаўкама войска і перадаўшы паўнамоцтвы камандавалага генералу Ашфаку Кіяні.