У парку Горкага ўпалае дрэва ледзь не забіла дзяўчыну
- 27.08.2008, 10:18
У выніку падзення дрэва ў парку імя Горкага ў Менску траўму хрыбетніцы атрымала 17-гадовая дзяўчына.
Аб гэтым паведамілі агенцтву "Інтэрфакс-Захад" у сераду на Станцыі хуткай медычнай дапамогі.
"17-гадовая дзяўчына атрымала траўму ў выніку падзення дрэва ў парку ім. Горкага ў Менску", - паведамілі на станцыі.
Па словах медыкаў, "прыбылая на месца здарэння брыгада хуткай медычнай дапамогі даставіла яе з траўмай хрыбетніцы ў РНПЦ траўматалёгіі і артапедыі".
"Пацярпелая дзяўчына знаходзілася ў кампаніі маладых людзей, якія сядзелі ў парку на зэдлі пад дрэвам", - удакладнілі суразмоўцы агенцтва.