Генадзь Бураўкін: «Бачна, што ўлады ня хочуць дэмакратычнага разьвіцця краіны»

• 25.09.2008, 15:35

“Я бы вельмі хацеў, каб выбары былі свабоднымі. Але цяжка сёньня казаць аб нейкім прагрэсе ў параўнаньні зь мінулымі,” – кажа ў інтэрв’ю прэс-цэнтру Хартыі’97 народны паэт Беларусі Генадзь Бураўкін.

“Як чалавек дастаткова сталы, я ня веру, што з гэтымі “выбарамі” нешта істотна зменіцца. Бачна, што ўлады ня хочуць дэмакратычнага разьвіцця краіны,” – заўважае ён.

Сярод сённяшніх праблемаў беларусаў пісьменнік асабліва вылучае праблему самавызначэння. “Ужо колькі год ідзе вынішчэнне беларускасці, вынішчэння мовы. Ідзе цалкам вынішчэнне дзяржавы”, - падкрэслівае сападар Генадзь.