У Слоніме каля філіяла банку невядомыя падарвалі вядро з фекаліямі

• 5.09.2008, 12:37

Вядро з фекаліямі падарвалі невядомыя ўначы каля ўваходных дзвераў будынка філіялу "Беларусбанку" і крамы "Магія чысціні" у Слоніме. У выніку былі выпацканыя дзверы, прыступкі, шыльда банка і сцены.

Як паведамляе "Газета Слонімская", парадак на месцы здарэння наводзілі супрацоўнікі МНС, але сляды выбуху застаюцца дагэтуль. Цяпер слонімская міліцыя праводзіць праверку і шукае арганізатараў "тэракту".