Жыхар Беларусі знайшоў на сваім гародзе зуб маманта

• 2.12.2009, 8:23

Нечаканы ўраджай сабраў жыхар Віцебскай вобласці. У сваім гародзе мужчына знайшоў зуб маманта.

У гістарычную каштоўнасць знаходкі спачатку ніхто не верыў. Але экспертыза ў абласным краязнаўчым музеі пацвердзіла: зуб належыў менавіта маманту, паведамляе тэлекампанія «Мір».

На тэрыторыі краіны дагістарычныя волаты жылі 90 тысячаў гадоў таму. Прыкладна з тых часоў разец і захоўваўся ў зямлі. Цяпер ён заняў ганаровае месца ў музейнай вітрыне.

Зуб - пакуль адзіны прадмет у мясцовай палеанталагічнай калекцыі. Каб яго захаваць, музейныя працаўнікі правялі спецыяльную апрацоўку - кансервацыю.