Лукашэнка адправіў у адстаўку рэктара Акадэміі МУС

• 30.12.2009, 11:16

Генерал-маёр міліцыі Іван Сяргей вызвалены ад пасады начальніка Акадэміі МУС і звольнены з органаў унутраных справаў.

Як паведамляе БелаПАН, гэта адбылося ў сувязі з указам, што выйшаў, які 28 снежня падпісаў Аляксандр Лукашэнка.

Іван Сяргей узначальваў галоўны міліцэйскі вну краіны з 26 лютага 2008 года. Да гэтага ён быў начальнікам упраўлення ўнутраных справаў Менскага аблвыканкама, яшчэ раней — начальнікам УУС Магілёўскага аблвыканкама.

Пра прычыны яго звальнення з органаў унутраных справаў пакуль не паведамляецца.