Міліцыянт з Лельчыц згвалтаваў не адну дзяўчыну?

• 16.02.2009, 8:13

Затрыманага па падазрэнні ў згвалтаванні 15-гадовай дзяўчыны супрацоўніка РУУС Лельчыцкага раёна (Гомельская вобласць) правяраюць на дачыненне да яшчэ аднаго аналагічнага злачынства.

Аб гэтым паведамілі агенцтву "Інтэрфакс-Захад" у пятніцу ў пракуратуры Гомельскай вобласці.

"Арыштаванага па падазрэнні ў згвалтаванні школьніцы супрацоўніка лельчыцкай міліцыі правяраюць на дачыненне да згвалтавання, якое адбылося ў менскай вобласці ў 2007 годзе", - паведамілі ў пракуратуры.

Там удакладнілі, што "19 студзеня 2009 года па факце згвалтавання 15-гадовай школьніцы ў Лельчыцкім раёне была ўзбуджаная крымінальная справа. Праз некалькі тыдняў па падазрэнні ў дадзеным злачынстве быў затрыманы мясцовы 25-гадовы міліцыянт".

"Дзяўчына была збітая і згвалтаваная ўначы ў безгаспадарнай пабудове старой царквы ў Лельчыцах", - распавялі суразмоўцы агенцтва.