Траціна жыхароў Беларусі прагназуюць рост масавых акцый пратэсту

• 21.04.2009, 14:29

Кожны трэці жыхар Беларусі чакае, што хуткім часам у краіне павялічыцца колькасць пратэстных акцый.

Супрацоўнікі сацыялагічнага цэнтра ТАА «Люстэрка-Інфо» паспрабавалі высвятліць, чаго жыхары Беларусі чакаюць у выніку крызісу, паведамляе «Ежедневник».

У выніку апытання 47% рэспандэнтаў не змаглі ацаніць патэнцыйнае стаўленне да ўдзелу ў пратэстных акцыях. Але каля траціны (30%) апытаных гараджан і вяскоўцаў прагназуюць іх рост. І толькі 6% чакаюць паніжэння ўдзелу жыхароў Беларусі ў акцыях пратэсту.