Лукашэнка адправіў Мядзведзеву віншаванне, поўнае ліслівасці

• 14.09.2009, 9:29

Беларускі кіраўнік павіншаваў прэзідэнта Расеі Дзмітрыя Мядзведзева з нагоды дня нараджэння.

«Уласцівыя вам якасці таленавітага кіраўніка, праўдзівага патрыёта сваёй Айчыны вы энергічна накіроўваеце на служэнне Расеі ў імя яе росквіту і падвышэння дабрабыту грамадзянаў», - адзначаецца, у прыватнасці, у віншаванні.

Аляксандр Лукашэнка выказаў задавальненне сустрэчай у Сочы ў жніўні гэтага года, якая прайшла «у атмасферы ўзаемнага даверу і разумення», і пацвердзіў гатоўнасць «да далейшага дыялогу ў мэтах паглыблення стратэгічных саюзніцкіх адносінаў паміж Беларуссю і Расеяй».