Старшыня Гарадзенскага аблвыканкама папрасіўся ў адстаўку

• 26.01.2010, 12:22

Лукашэнка задаволіў просьбу Уладзіміра Саўчанкі вызваліць яго ад займанай пасады.

Пра гэта паведамілі агенцтву «Інтэрфакс» у прэс-службе беларускага кіраўніка.

«Старшыня Гарадзенскага абласнога выканаўчага камітэта Уладзімір Саўчанка падаў на імя кіраўніка дзяржавы заяву з просьбай вызваліць яго ад займанай пасады па стане здароўя, з пераводам на іншую працу, з меншым аб'ёмам задачаў, якія вырашаюцца. Аляксандр Лукашэнка задаволіў яго просьбу і падпісаў адпаведны ўказ», - адзначыў прадстаўнік прэс-службы.

Выкананне абавязкаў старшыні ўскладзенае на першага намесніка старшыні Гарадзенскага аблвыканкама Івана Жука. Прызначэнне новага кіраўніка Гарадзенскай вобласці будзе праведзенае ў вызначаным парадку ў хуткім часе.

Уладзімір Саўчанка ўзначальваў Гарадзенскі аблвыканкам з 29 сакавіка 2001 года.