Аляксей Угараў узначаліў спіс снайпераў плэй-оф КХЛ
- 20.04.2010, 11:40
Хакейны клуб МУС, за які выступае беларускі нападаючы Аляксей Угараў, скараціў адставанне ад «Ак Барса» у фінале плэй-оф КХЛ.
У трэцім матчы серыі, які прайшоў 19 красавіка ў Казані, каманда з Балашыхі атрымала перамогу — 3:2 (1:1, 0:0, 2:1).
Угараў адкрыў лік у гэтай сустрэчы і з дзевяццю шайбамі ўзначаліў спіс снайпераў плэй-оф.
У серыі да чатырох перамог наперадзе «Ак Барс» — 2:1. Чацвёрты паядынак пройдзе ў Казані 20 красавіка, паведамляе БелаПАН.