ДАІ папярэджвае аб новых патопах у Менску
- 14.07.2010, 14:36
Дзяржаўтаінспекцыя Менска заклікала вадзіцеляў і пешаходаў да пільнасці падчас складаных умоў надвор'я і нагадала аб месцах падтапленняў.
«У сувязі з пагаршэннем умоў надвор'я і навальніцай кіроўцы і пешаходы павінны быць пільнымі і памятаць аб магчымым затапленні некаторых менскіх вуліц», паведамілі агенцтву «Інтэрфакс» у сераду ў ДАІ.
Супрацоўнікі ДАІ Менска заклікалі кіроўцаў у складаных умовах надвор'я «захоўваць хуткасны рэжым, дыстанцыю бяспекі і правілы праезду пераходаў, а пешаходаў - пераходзіць праезную частку толькі ў устаноўленых месцах і на зялёны сігнал святлафора».
У ДАІ нагадалі, што падчас моцных ападкаў магчымыя падтапленні на плошчах Багушэвіча, Бангалор, Перамогі, на вуліцы Няміга. Таксама могуць быць подтоплены скрыжаванні пр. Незалежнасці з вул. Талбухіна, вул. Сурганава і вул. Каліноўскага. Магчымыя падтапленні на скрыжаваннях пр. Партызанскага - вул. А. Кашавога, пр. Пераможцаў - вул. Ігнаценка, пр. Машэрава - вул. Даўмана, пр. Жукава - пр. Дзяржынскага, вул. Ціміразева - вул. Арлоўскай, вул. Кабушкіна - вул. Крупскай, вул. Кульман - вул. Куйбышава, вул. Даўгабродскай - вул. Уральскай, вул. Леніна - вул. Ульянаўскай, вул. Маякоўскага 154, вул. Куйбышава - вул. Багдановіча, вул. Куйбышава - вул. Кульман.
Як правіла, падчас ліўняў здараюцца падтапленні на МКАД пры перасячэнні з пр. Незалежнасці, на скрыжаванні пр. Газеты «Звязда» і Любімава, на вул. Старажоўскай, на пр. Газеты «Праўда», на скрыжаванні вул. Я. Коласа і зав. Я. Коласа, на скрыжаваннях вул. Чарвякова - вул. Кахоўская, вул. Я. Купалы - вул. Інтэрнацыянальная, вул. Я. Купалы - вул. Куйбышава, вул. Чыгуначная - вул. Уманскай.
Як паведамілі агенцтву ў Мінпрыроды, сёння, у сувязі з навальніцамі і ўзмацненнем ветру, абвешчана штармавое папярэджанне. Па словах суразмоўцаў агенцтва, сёння днём у паўднёва-заходніх і цэнтральных раёнах рэспублікі чакаюцца навальніцы, моцны парывісты вецер, месцамі моцныя залевы і град. На большай частцы краіны захаваецца гарачае надвор'е з тэмпературай паветра 30-33 градусы.