У Арабскіх Эміратах смартфоны прызналі пагрозай нацыянальнай бяспекі

• 27.07.2010, 13:22

Улады не могуць кантраляваць карыстальніцкія дадзеныя смартфонаў, бо яны захоўваюцца за мяжой.

Улады Аб'яднаных Арабскіх Эміратаў абвясцілі смартфоны BlackBerry патэнцыяльнай пагрозай нацыянальнай бяспецы, перадае Lenta.ru са спасылкай на Associated Press.

Іх турбуе тое, што карыстальніцкія дадзеныя захоўваюцца за мяжой, дзе ААЭ, вядомыя жорсткім рэгуляваннем Сеціва, не могуць іх кантраляваць. Больш за тое, на гэтыя сховішчы дадзеных не распаўсюджваецца юрысдыкцыя дзяржавы.

ААЭ не ўпершыню звяртаецца да сітуацыі з карыстальнікамі BlackBerry. Год таму найбуйнейшы ў краіне сотавы аператар звярнуў 145 тысяч карыстальнікаў смартфонаў пад выглядам абнаўлення ўсталяваць на прыладу дадатак, які дазваляў бы трэцім асобам атрымаць доступ да дадзеных тэлефона.

У некаторых іншых краінах таксама незычліва ставяцца да BlackBerry. Так, у каралеўстве Бахрэйн карыстальнікам, якія абменьваюцца мясцовымі навінамі праз сэрвіс чата на прыладзе, прыгразілі судом. Індыйскія ўрадавыя арганізацыі таксама паказвалі на патэнцыйную пагрозу бяспецы, звязаную з прыладамі.

Адным з асноўных адрозненняў BlackBerry ад іншых смартфонаў і камунікацыйных прыладаў з'яўляецца шыфраванне пошты і інфармацыі, якая перадаецца. Дзякуючы гэтай функцыі BlackBerry вельмі распаўсюджаны ў карпаратыўным асяроддзі, дзе патрабуецца абарона перапіскі ад перахопу і прагляду трэцімі асобамі.