«Белтэлекам» выключыць Байнэт на ноч

• 6.07.2010, 14:18

Цэнтр апрацоўкі дадзеных (ЦАД) «Белтэлекам» плануе адключэнне электрычнасці па начах з 00.00 да 6.00.

Інфармацыя, патрапіла ў Сетку 5 ліпеня, абурыўшы Байнэт. Паведамлялася, што адключэнне электрычнасці на пачатку плануецца на пару начэй.

Наогул, як запэўнілі ў РУП «Белтэлекам» парталу interfax.by, толькі парай начэй адключэнне электрычнасці ў выніку і абмяжуецца. Сапраўды, 6 і 8 ліпеня ЦАД «Белтэлекам» будзе адключаць электрычнасць з паўночы да шасці раніцы. Аднак такія адключэнні не будуць сталымі: гаворка ідзе пра планавую мадэрнізацыю для ўзмацнення энерганезалежнасці.

Час адключэння абраны такім чынам, каб працы па мадэрнізацыі прынеслі як мага менш нязручнасцяў карыстальнікам. У гэты прамежак часу частка беларускіх рэсурсаў можа быць недасягальная.

Акрамя таго, адключэнне ЦАД «Белтэлекам» электрычнасці ў названыя ночы зусім не абавязкова будзе займаць па 6 гадзін на суткі. Гэта крайняя мяжа - цалкам верагодна, што працы па мадэрнізацыі запатрабуюць менш часу.