Аляксандра Глеба завуць у «Фулхэм»

• 3.08.2010, 17:44

Новы галоўны трэнер «Фулхэма» Марк Х'юз праяўляе цікавасць да паўабаронцы «Барселоны» Аляксандра Глеба.

Беларус не змог замацавацца ў асноўным складзе каталонцаў і мінулы сезон правёў у «Штутгарце» на правах арэнды, паведамілі «Вести».

У Аляксандра быў варыянт працягнуць выступаць у Германіі, але ён выявіў жаданне вярнуцца ў Англію.

Чакаецца, што «Фулхэм» возьме Глеба ў арэнду.

Кіраўніцтва клуба вылучыла Х'юзу 25 мільёнаў фунтаў стэрлінгаў на трансферныя патрэбы. Настаўнік мае намер узмацніць склад, каб прынамсі паўтарыць леташні поспех каманды. Як бачым, лонданцы возьмуць шэраг футбалістаў у арэнду.