Бюджэт на наступны год зменшыўся на 2 трыльёны рублёў

• 14.09.2010, 11:40

«Дэпутаты» за 25 хвілінаў пазачарговай сесіі паспелі разгледзець тры важныя фінансава-эканамічныя пытанні.

Гэтыя пытанні вызначаюць развіццё краіны на наступны год, паведамляе «Еўрарадыё».

У другім чытанні былі ўхваленыя змены ў Падатковы кодэкс і прыняты Бюджэтны кодэкс. Таксама «дэпутаты» ухвалілі новы бюджэт. Чакаецца, што даходы ў наступным годзе складуць 33 трыльёны 611 мільярдаў рублёў. Гэта амаль на 2 трыльёны менш, чым у гэтым годзе. А вось выдаткі наадварот вырастуць амаль на 1,5 трыльёна і складуць 39,6 трыльёна рублёў.