Беларусь - эканамічны аўтсайдэр рэгіёна

• 29.09.2010, 9:56

Беларусь увайшла ў лік найбольш эканамічна нестабільных краінаў у Цэнтральнай і Усходняй Еўропе.

Паводле дадзеных рэгіянальнага даследавання, праведзенага сеткай PricewaterhouseCoopers, эканоміка Цэнтральнай і Усходняй Еўропы аднаўляецца пасля крызісу, аднак па-ранейшаму адкрытая для рызыкаў, паведамляе «Мы».

Найлепшыя паказчыкі стабільнасці эканомікі маюць Чэхія, Славакія і Расея.

Рост эканомікаў дзяржаваў Цэнтральнай і Усходняй Еўропы, што затармазіўся, падатковыя паступленні, якія знізіліся, дэфіцыт бюджэту і даўгавая нагрузка, якая расце, утвараюць небяспечную камбінацыю, якая, у выпадку новай магчымай нестабільнасці глабальных фінансавых рынкаў можа пацягнуць за сабой паўтарэнне грэчаскага сцэнара ў Цэнтральнай і Усходняй Еўропе, лічаць эксперты.

Эканамічна няўстойлівая сітуацыя сёння назіраецца ў Беларусі, Украіне, Латвіі і Літве.