Вялікабрытанія лічыць крымінальны пераслед Бяляцкага палітычна матываваным

• 24.11.2011, 15:22

Вялікабрытанія лічыць крымінальны пераслед праваабаронца Алеся Бяляцкага палітычна матываваным.

Аб гэтым заявіла БелаПАН амбасадарка Вялікабрытаніі ў Беларусі Размары Томас пасля вынясення прысуду Бяляцкаму 24 лістапада.

«Мы не разумеем, чаму трэба абыходзіцца падобным чынам з такім выбітным праваабаронцам, як Алесь Бяляцкі. Мы будзе абмяркоўваць свае далейшыя дзеянні», - сказала амбасадарка.

Пры гэтым Томас адзначыла, што не можа каментаваць інфармацыю, якую раней распаўсюдзіла бельгійскае інтэрнэт-выданне EUobserver пра магчымасць пашырэння спісу неўяздных беларускіх службоўцаў пасля абвяшчэння абвінаваўчага прысуду Бяляцкаму.

Амбасадар Літвы Эдмінас Багдонас таксама назваў крымінальную справу Бяляцкага палітычна матываванай. «Мы будзем рэагаваць», - заявіў ён.