У Віцебску затрыманы Сяргей Каваленка

• 25.11.2011, 13:31

Сяргей Каваленка, па міліцыйскай традыцыі, лаяўся матам.

Жонка Сяргея паведаміла, што 24 лістапада муж прыйшоў у міліцыю, каб адзначыцца (ён адбывае «хатнюю хімію»), паведамляе «Наша Ніва».

Яму прапанавалі падпісаць дакумент, згодна з якім Сяргей не павінен выходзіць з кватэры пасля 19.30. Мужчына адмовіўся. А ў 20.30 да іх на кватэру прыехалі міліцыянты і мужа забралі з сабой. Каваленку абвінавацілі ў хуліганстве - ён нібыта лаяўся на інспектара, калі быў у міліцыі.

Ноч Сяргей правёў у ІЧУ. На суд яго сёння не прывезлі.

Сяргей Каваленка прысуджаны да трох гадоў абмежавання волі без накіравання ў месцы адбыцця пакарання пасля вывешвання бел-чырвона-белага сцяга на навагодняй ёлцы 7 студзеня 2010 у Віцебску.