У Дашкевіча грып і падазрэнне на сухоты?

• 4.02.2011, 10:05

Улічваючы турэмную цэнзуру, лісты палітвязняў трэба чытаць паміж радкоў.

“Я тут добра :) Са здароўем былі крыху праблемы - грып, напэўна, тыдні два такі кашаль, што, здавалася, выплюну лёгкія, але цяпер ужо лягчэй. Мяне тут вадзілі на здымак на сухоты другі раз, але, здаецца, усё нармальна", - напісаў ён у апошнім лісце.

Варта адзначыць, што лідэру «Маладога Фронту» толькі з-за моцнай хваробы, нарэшце, далі лекі, дасланыя роднымі, якія раней адмаўляліся перадаваць.