Салідарнасць сёння ў цане

• 1.03.2011, 14:56

Судзьдзя суда Ленінскага раёна Магілёва Ірына Сарока разгледзела адміністрацыйную справу Максіма Анціповіча.

Ён абвінавачваўся ва ўдзеле ў пікетаванні 16 студзеня. Актывіст пакараны штрафам у памеры 15 базавых велічынь, паведамляе ПЦ «Вясна».

8 лютага суд Ленінскага раёна Магілёва разгледзеў адміністрацыйную справу трох затрыманых удзельнікаў акцыі салідарнасці.

Сябра партыі БНФ Валянцін Лабачоў прысуджаны да адміністрацыйнага арышту на 7 сутак, а Сяргей Нягацін - на 5 сутак. Беспартыйную шматдзетную маці Наталлю Шкадун суд таксама прызнаў ўдзельніцай несанкцыянаванага пікетавання і вынес ёй папярэджанне.

Ужо пакараныя судом за акцыю 16 студзеня грамадскія актывісты Сяргей Нягацін, Наталля Шкадун і Валянцін Лабанаў абскардзілі прысуды ў Магілёўскім абласным судзе і чакаюць прызначэння даты разгляду.