За адсутнасць цукру пакараныя 46 дырэктараў крамаў

• 21.04.2011, 16:54

У Менску за адсутнасць цукру расстраляныя да дысцыплінарнай адказнасці прыцягнутыя 46 кіраўнікоў гандлёвых арганізацый.

Пра гэта паведаміў начальнік галоўнага ўпраўлення спажывецкага рынку Менгарвыканкама Валянцін Байдак сёння на пасяджэнні мэрыі, на якім абмяркоўвалася сітуацыя на спажывецкім рынку сталіцы, перадае БелТА.

Валянцін Байдак канстатаваў, што ўзнікненне ажыятажнага попыту, справакаванае чуткамі аб магчымым падаражэнні цукру, стварыла перабоі з яго пастаўкамі. Калі раней у горадзе прадавалі 60 т цукру, то ў асобныя дні ажыятажу штодзённыя продажу ўзраслі да 400 т. "Сёння прынятыя ўсе меры, і я адказна заяўляю, што праблема з цукрам у сталіцы знятая цалкам. Павялічаныя таварныя запасы ў рознічнай сетцы, на складах аптовага гандлю і на цукровых заводах маецца больш за 14 тыс.т цукру", - сказаў кіраўнік кіравання.

Разам з тым, па ягоных словах, кіраўніцтва галіны прааналізавала свае хібы, прычыны збою ў забеспячэнні таварамі, акалічнасці, якія спарадзілі іх. Прынятыя меры па недапушчэнні падобнага. "Прычынай стала безадказнасць асобных кіраўнікоў буйных гандлёвых сетак, супермаркетаў, рознічных прадпрыемстваў. Не лепшым чынам спрацавала аптовае звяно. За гэта кіраўнікі гандлёвых арганізацый, якія дапусцілі адсутнасць цукру, прыцягнутыя да дысцыплінарнай адказнасці, усяго 46 чалавек", - інфармаваў Валянцін Байдак.