Мінсувязі абвясціла конкурс на выкарыстанне 4G

• 30.04.2011, 13:36

Мінсувязі абвясціла аб правядзенні тэндэру на выкарыстанне палос радыёчастот для сувязі чацвёртага пакалення (LTE).

Пераможца конкурсу атрымае дазвол ад Дзяржаўнай камісіі па радыёчастотах пры Савеце Бяспекі на права выкарыстання палос радыёчастот 2500 - 2535 МГц і 2620 - 2655 МГц для эксплуатацыі радыёэлектронных сродкаў сотавай рухомай электрасувязі ў сетцы электрасувязі агульнага карыстання на тэрыторыі Рэспублікі Беларусь.

Тэндэр пройдзе з 24 чэрвеня 2011 года па 4 жнівеня 2011. Удзельнік павінен мець бізнес-план па рэалізацыі інвестыцыйнага праекта. Конкурсныя прапановы будуць прымацца з 24 чэрвеня па 25 ліпеня 2011 года.

Раней міністр сувязі і інфарматызацыі Мікалай Панцялей заяўляў, што LTE-частоты ў Беларусі змогуць атрымаць два мабільных аператара.

СТАА «МТС» і ЗАТ «БеСТ» (Life) у мінулым годзе па рашэнні ДКРЧ былі вылучаныя радыёчастоты для правядзення даследчай эксплуатацыі тэхналогій LTE. Дазвол на тэставанне гэтай тэхналогіі атрымала таксама РУП «Белтэлекам». Завяршыць даследчую эксплуатацыю аператары сувязі павінныя да 1 мая 2011 года.

LTE (Long Term Evolution) - назва тэхналогіі мабільнай перадачы даных, хуткасць якой параўнальная з хуткасцю оптавалакновых сетак.