«Падпісана Прэзідэнтам Рэспублікі Беларусь Пуціным У.У.»

• 15.06.2011, 17:02

Ратыфікацыю Мажылісам Казахстана аднаго з пагадненняў па Мытным саюзе сёння давялося адкласці.

У графе «Прэзідэнт Рэспублікі Беларусь» было паказана «Пуцін У.У.», перадае BNews.kz.

Гаворка ідзе аб дамове «Аб ўзгодненай макраэканамічнай палітыцы» паміж краінамі Мытнага саюза.

«Чытаем... «...Падпісана за Рэспубліку Беларусь - Прэзідэнтам Рэспублікі Беларусь Лукашэнка А.Р. За Рэспубліку Казахстан - Прэзідэнтам Рэспублікі Казахстан Назарбаевым Н.А. За Расейскую Федэрацыю - Прэзідэнтам Рэспублікі Беларусь Пуціным У.У.», - працытаваў тэкст суправаджальнай даведкі да пагаднення дэпутат Іван Чыркалін на пленарным пасяджэнні Мажыліса.

«Можа быць, мы не тое ратыфікуем? Можа, нам неабходна вярнуць, няхай разбяруцца...», - задаўся пытаннем мажылісмен Ержан Рахметаў.

У выніку абмеркаванне ратыфікацыі пагаднення было перанесенае на некалькі гадзін. Пасля перапынку спікер Мажыліса Урал Мухамеджанаў агучыў ліст ад кіраўніка аднаго з дэпартаментаў Мытнага саюза з выпраўленнямі, назваўшы гэты выпадак «абуральным бязладдзем», і ратыфікацыя пагаднення ўсёж была ўхваленая Мажылісам.