Разгляд касацыйнай скаргі Ірыны Халіп перанесены

• 20.06.2011, 16:44

Разгляд касацыйнай скаргі жонкі кандыдата ў прэзідэнты Андрэя Саннікава журналісткі Ірыны Халіп перанесына на месяц.

Аб гэтым паведамілі агенцтву «Інтэрфакс-Захад» у Менскім гарадскім судзе.

«Разгляд справы адбудзецца 19 ліпеня», - паведамілі ў Менгарсудзе.

Раней касацыя была прызначаная на 21 чэрвеня.

Разам з І. Халіп будуць разгледжаныя касацыйныя скаргі Паўла Севярынца - кіраўніка выбарчага штаба кандыдата Віталя Рымашэўскага і Сяргея Марцалева - кіраўніка выбарчага штаба кандыдата ў прэзідэнты Мікалая Статкевіча.

Журналістка І. Халіп была асуджаная судом Заводскага раёна Менска і прысуджаная да 2 гадоў пазбаўлення волі з адтэрміноўкай выканання прысуду на 2 гады. С. Марцалеў прысуджаны да 2 гадоў пазбаўлення волі з выпрабавальным тэрмінам на 2 гады. П. Севярынец асуджаны на 3 гады абмежавання волі з накіраваннем ва ўстанову адкрытага тыпу. Усе яны незаконна асуджаныя па арт. 342 КК Беларусі «ўдзел у дзеяннях або арганізацыя дзеянняў, якія парушаюць грамадзкі парадак».