Шок: Пасля выбуху ў менскім метро па трупах ездзілі цягнікі

• 23.09.2011, 17:28

Падрабязнасці выбуху ў метро: апошнюю забітую знайшлі ў тры гадзіны ночы.

Вольга Захаркава сёння падчас допыту на працэсе Канавалава-Кавалёва заявіла, што ейную «сястру знайшлі ў тры гадзіны ночы [12 красавіка]. Апошняй знайшлі. Выбухам яе выкінула на рэйкі. Па ёй цягнік праехаў... напалову пераехала.

У мяне ёсць прэтэнзіі да метрапалітэну. (...) Машыніст пытаўся, ці ехаць. Дыспетчар даў такую ​​каманду. Навошта ён паехаў? А мера пакарання для абвінавачаных? Ім проста так даць кулю ў лоб - будзе занадта мякка. Ім трэба жыць у такіх клетках», - цытуе сведку «Комсомольская правда в Беларуси».