Грошай на зарплаты ўжо няма

• 1.10.2012, 8:28

У Глыбоцкім раёне рабочых пакінулі без сродкаў да існавання.

Зарплату затрымліваюць у сельскагаспадарчых прадпрыемствах раёна. Ужо некалькі гадоў такога не здаралася, звычайна да 1 чысла сельгаспрадпрыемствы выплочвалі сваім работнікам зарплату за мінулы месяц, перадае «Еўрарадыё».

Напрыклад, у ААТ «Канстанцінаў Двор»грошы выдалі толькі жыхарам цэнтральнай вёскі Корабаў, астатнія атрымалі толькі дапамогу на дзяцей і аліменты. Калі атрымаюць зарплату астатнія работнікі, у канторы прадпрыемства дакладна не ведаюць.

Падобная сітуацыя назіраецца і на некаторых іншых сельгаспрадпрыемствах раёна.