Беларусь прапануе Літве абмеркаваць АЭС без сведак

• 10.10.2012, 13:30

Улады хочуць правесці двухбаковыя кансультацыі з нагоды будаўніцтва Беларускай АЭС.

Пра гэта паведаміў сёння журналістам намеснік міністра энергетыкі Міхаіл Міхадзюк, перадае БелТА.

«Мінпрыроды прапанавала літоўскаму боку выйсці на двухбаковыя кансультацыі, пакуль адказу няма», - сказаў ён.

З Літвой былі двойчы праведзены кансультацыі, беларускі бок адказаў на ўсе пытанні літоўскага боку. «Калі яны кажуць, што наша станцыя будзе аказваць уплыў на Літву, то мы гатовыя адказаць на іх пытанні. У нас усе разлікі зробленыя. Ніякага негатыўнага ўплыву на Літву наша станцыя не акажа», - запэўнівае намеснік міністра.